Masallı polis şöbəsində bomba həyəcanı yaşandı

Masallı rayon Polis Şöbəsinə bomba qoyulması barədə yalan məlumat verən şəxs tutulub. Bu barədə məlumatı Daxili İşlər Nazirliyi yayıb. "OLAYLAR"ın nazirliyin  saytına istinadən yaydığı məlumata görə, hadisə fevralın 17-də saat 16.00 radələrində baş verib. Fövqəladə Hallar Nazirliyinin "112" xidmətinə zəng etmiş naməlum şəxs "Eşitmişəm Masallı RPŞ-nə bomba qoyublar" deyərək telefonu qapadıb. Məlumat DİN Növbətçi Hissələri İdarəetmə Xidmətinə  ötürülmüş, müvafiq tədbirlər görülmüş, təsdiqini tapmayıb. Araşdırmalar zamanı zəng edən şəxsin Masallı rayonunun Qızılavar kənd sakini Rəşadət Əzizov olması müəyyən edilibvə o, saxlanılıb.