Bakıda fəhlə 14-cü mərtəbədən yıxıldı

1992-ci il təvəllüdlü Fərəcov Şöhlət hadisə yerindəcə keçinib

Fevralın 10-da Bakı şəhərinin Xətai rayonu ərazisində faciəvi hadisə baş verib. Rayon Polis İdarəsindən Lent.az-a verilən məlumata görə, Xudu Məmmədov küçəsi 29/42D ünvanında "Stil" tikinti şirkəti tərəfindən tikilən binada fəhlə hündürlükdən yıxılıb.
Tikinti şirkətində çalışan Cəlilabad rayon sakini 1992-ci il təvəllüdlü Fərəcov Şöhlət Rafil oğlu binanın 14-cü mərtəbəsindən lift şaxtasına yıxılıb və hadisə yerindəcə keçinib.
Bakıya işləməyə gəlmiş gənc Abşeron rayonunun Masazır qəsəbəsində kirayə yaşayırmış. Faktla əlaqədar cinayət işi başlanılıb, araşdırmalar aparılır.