Bakıda cibgirdən heroin tutuldu

Bakıda cibgirliyə görə tutulan şəxsdən heroin aşkarlanıb. Bu barədə "OLAYLAR"a Bakı şəhər Baş Polis İdarəsindən məlumat verilib. Hadisə fevralın 6-da baş verib. Həmin gün 37 saylı xətt avtobusunda Bakı şəhər sakini Hacıbala Hacıyevin cibindən 40 manat oğurlanıb. Yasamal rayon polis İdarəsinin 27-ci polis bölməsi əməkdaşlarının keçirdikləri əməliyyat tədbirləri nəticəsində oğurluqda şübhəli bilinən Bakı şəhər sakini, əvvəllər məhkum olunmuş Azər Kərimov yaxalanıb. Yoxlamalar zamanı onun üzərindən 0,394 qram heroin aşkar edilərək götürülüb.