Bakıda tanınmış şirkətdə ölüm

Bakıda şirkətdə ölüm hadisəsi baş verib. Bu barədə Daxili İşlər Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, hadisə yanvarın 29-da Nizami rayonu ərazisindəki "Az Trade" şirkətinin həyətində baş verib. Şirkətdə gözətçi işləyən Bakı şəhər sakini Sulduz Əmrahov yıxılaraq kəllə-beyin xəsarəti alıb. Xəstəxanaya yerləşdirilmiş S.Əmrahov yanvar ayının 30-da orada ölüb.