Polis mayoru ağacdan yıxılaraq öldü

Qarayev Cəlil yaşadığı evinin həyətində budama işləri aparan zaman yıxılıb

Azərbaycanın Ağdaş rayonunda polis zabiti bədbəxt hadisə nəticəsində ölüb. APA-nın xəbərinə görə, rayon Polis Şöbəsinin polis mayoru, sahə müvəkkili Qarayev Cəlil Hidayət oğlu dünən yaşadığı evin həyətində budama işləri aparan zaman ağacdan yıxılıb.
Ağır bədən xəsarətləri alan C. Qarayev Ağdaş Mərkəzi Rayon Xəstəxanasına yerləşdirilib və onun üzərində cərrahiyyə əməliyyatı aparılıb. 1960-cı il təvəllüdlü polis əməkdaşı bu gün səhər xəstəxanada dünyasını dəyişib.

Faktla bağlı Ağdaş rayon Prokurorluğunda araşdırma aparılır.