Bakıda tikinti şirkətinin anbarı yandı, yaşayış binası təhlükədə qaldı

Bakıda tikinti şirkətinin anbarında yanğın olub. Bu barədə Fövqəladə Hallar Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə,  hadisə Yasamal rayonunda baş verib.  17 mərtəbəli yaşayış binasının zirzəmisində yerləşən vətəndaşa məxsus tikinti şirkətinin ümumi sahəsi 35 kv.m olan anbarının yanar konstruksiyaları və içərisinə yığılmış inşaat materialları 30 kv.m sahədə yanıb. Anbarın qalan hissəsi və mənzillər yanğından mühafizə olunub. Yanğın saat 00:47-də yanğınsöndürənlər tərəfindən söndürülüb.