Mobil telefonlar aşkarlanıb

Xaçmaz Gömrük İdarəsinin "Samur" gömrük postunda Azərbaycan Respublikasının vətəndaşı Əli Həşimovun idarə etdiyi "HYUNDAİ TG" markalı minik avtomobilinə gömrük nəzarəti keçirilib. Dövlət Gömrük Komitəsindən "Olaylar"a verilən məlumata görə, baxış zamanı həmin avtomaşından, gömrük nəzarətindən gizlədilmiş şəkildə - 30 ədəd "Samsung Galaxy Note 2", 10 ədəd "Samsung Galaxy Note" və 5 ədəd "İphone" markalı mobil telefonlar aşkar edilərək götürülüb.