Sumqayıtda partlayış, xəsarət alan var

Sumqayıtda evdə partlayış olub. Bu barədə Fövqəladə Hallar Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, Sumqayıt şəhərində vətəndaşa məxsus hər mərtəbəsi 65 kv.m olan ikimərtəbəli dördotaqlı evin 2-ci mərtəbəsində, ümumi sahəsi 10 kv.m olan vanna otağında yanğınla nəticələnən partlayış baş verib. Hadisə nəticəsində hamamın lambirdən ibarət tavanı və evin dam örtüyü 3 kv.m sahədə yanıb, ev sahibi yanıq xəsarətləri alıb və yanğınsöndürənlər tərəfindən Təcili Tibbi Yardım Xidmətinə təhvil verilib. Evin qalan hissəsi yanğından mühafizə olunub. Yanğın saat 10:47-də yanğınsöndürənlər tərəfindən söndürülüb. Hadisə ilə əlaqədar müvafiq qurumlar tərəfindən təhqiqat aparılır.