Sevdiyi qıza görə məktəb yoldaşını bıçaqlayan gəncə hökm oxundu

Lənkəran Ağır Cinayətlər Məhkəməsində sinif yoldaşını bıçaqlamaqda təqsirləndirilərək həbs olunan  Cəlilabad rayon sakini Fərid Təhməzovun məhkəməsi başa çatıb. "OLAYLAR"ın məlumatına görə, hakim Elşad Əliyevin sədrliyi ilə keçirilən prosesdə F.Təhməzovun cinayəti sübuta yetirilib və o 3 il 6 ay müddətinə azadlıqdan məhrum edilib.
İttihama görə, 2012-ci il iyunun 13-də Göytəpə şəhərində yerləşən 2 nömrəli məktəbdə 16 yaşlı Fərhad Təhməzov mübahisə zəminində məktəb yoldaşı 17 yaşlı Qürbət Manafovu bıçaqlayıb. Məhkəmədə ifadə verən F.Təhməzov Q.Manafovu sevdiyi qıza söz atdığı üçün bıçaqladığını bildirib.