Xəzərdə qayığın yanacağı bitdi, balıqçılar dənizin ortasında qaldılar

Onları Dövlət Yanğından Mühafizə Xidmətinin gəmisi təsadüfən tapıb

Ötən axşam saat 20:20 radələrində Fövqəladə Hallar Nazirliyinin Dövlət Yanğından Mühafizə Xidmətinin "VİXR-3" yanğınsöndürmə gəmisi ərazidə xidmət apararkən sahildən, təxminən, 25 km məsafədə, Xərə-Zirə adası yaxınlığında içərisində üç nəfərin olduğu balıqçı qayıığı aşkar edib. ANS PRESS-in FHN-in saytına istinadən verdiyi məlumata görə, müəyyən olunub ki, qayıq yanacaq bitdiyi üçün açıq dənizdə köməksiz vəziyyətdə qalıb. Balıqçılar xilas edilərək göyərtəyə qaldırılıb, qayıq yedəyə alınıb.