Kanala düşən avtomobilin sərnişinləri axtarılır

Fövqəladə Hallar Nazirliyinin "112" qaynar telefon xəttinə daxil olmuş məlumata əsasən, Xaçmaz rayonu, Alekseyevka kəndi ərazisində "VAZ" markalı minik avtomobili Xanarxı kanalına düşüb.  Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunub. Nazirlikdən "Olaylar"a verilən məlumata görə,  Dövlət Sularda Xilasetmə Xidməti və Şimal Regional Mərkəzinin xilasediciləri hüquq-mühafizə orqanları əməkdaşlarının iştirakı ilə xüsusi texnika vasitəsi ilə avtomobili sudan çıxarıblar.  Ərazidə axtarış-xilasetmə işləri davam etdirilir.