Qonaq gəldi, qazdan boğuldu

Sumqayıt şəhərinin Novxanı bağları yaşayış massivində ölümlə nəticələnən bədbəxt hadisə baş verib.  Sumqayıt Şəhər Polis İdarəsindən "Olaylar"a daxil olan məlumata görə,  əmisinin evinə qonaq gəlmiş  Gülnarə İsmayılovanın evin yataq otağından meyiti tapılıb. Gənc qızın dəm qazından öldüyü məlum olub. Onun 19 yaşı olduğu müəyyən edilib. Faktla əlaqədar şəhər prokurorluğunda araşdırma aparılır.