Bakıda Bolqarıstan vətəndaşının kirayə götürdüyü ev partladı: yaralı var

Bakı şəhərinin Nərimanov rayonunda partlayış baş verib. Lent.az-ın Fövqəladə Hallar Nazirliyinin saytına istinadən verdiyi məlumata görə, Bolqarıstan Respublikasının vətəndaşının kirayə götürdüyü ümumi sahəsi 100 kvadrat metr olan üçotaqlı mənzildə partlayış baş verib. Partlayış nəticəsində mənzildə olan 1 nəfər müxtəlif dərəcəli yanıq xəsarətləri alıb və xəstəxanaya aparılıb.
Partlayış nəticəsində yanğın hadisəsi olmayıb. Hadisə ilə əlaqədar müvafiq qurumlar tərəfindən təhqiqat aparılır. İlkin ehtimala görə, partlayışa qaz sızması səbəb olub.