Bakıda yaşayış binasında partlayış, 3 ev dağıldı: xəsarət alan var

Bakı şəhərinin Xətai rayonunda partlayış hadisəsi baş verib. Lent.az-ın Fövqəladə Hallar Nazirliyinin mətbuat xidmətinə istinadən verdiyi məlumata görə, hadisə nəticəsində ikimərtəbəli yaşayış binasının 2-ci mərtəbəsində mənzil 12-də yaşayan vətəndaşa məxsus ümumi sahəsi 68 kv.m olan 3 otaqlı mənzilin mətbəxinin əsas divarları və 3 otağının tavanı, 1-ci mərtəbədə isə mənzil 10-da yaşayan digər vətəndaşa məxsus ümumi sahəsi 68 kv.m olan 3 otaqlıı mənzilin 2 otağının əsas divarları dağılıb.

Partlayış zamanı mənzil 12-də yaşayan Hüseynova Pərvanə Alı qızı müxtəlif dərəcəli yanıq xəsarəti ilə Yanıq Mərkəzinə aparılıb. Hadisə ilə əlaqədar müvafiq qurumlar tərəfindən təhqiqat aparılır.