Nəzarətsiz uşaqlar bağlı qapı arxasında qaldılar

Fövqəladə Hallar Nazirliyinin "112" qaynar telefon xəttinə daxil olmuş məlumata əsasən, Bakı şəhəri, Nərimanov rayonunda giriş qapısının təsadüfən kilidlənməsi nəticəsində azyaşlı uşaq mənzildə köməksiz vəziyyətdə qalıb.  Dərhal nazirliyin müvafiq xilasetmə qüvvələri hadisə yerinə cəlb edilib. Nazirlikdən "Olaylar"a verilən məlumata görə,  xilasedicilər doqquzmərtəbəli yaşayış binasının beşinci mərtəbəsində yerləşən mənzilin qapısını təhlükəsizlik qaydalarına riayət etməklə xüsusi alət və avadanlıqlar vasitəsilə bayır tərəfdən açıblar.  Mənzildə nəzarətsiz qalmış uşaq aidiyyəti üzrə təhvil verilib.