Sərnişin qatarında yanğın olub

Yanğın Bakı-Qazax sərnişin qatarında baş verib

Bakı-Qazax sərnişin qatarında yanğın olub. ANS PRESS-in Fövqəladə Hallar Nazirliyinin mətbuat xidmətinə istinadən verdiyi məlumata görə, hadisə Bakının Nəsimi rayonunda "Azərbaycan Dəmir Yoları" QSC-yə məxsus depoda baş verib.
Depoda dayanmış Bakı-Qazax sərnişin qatarının ümumi sahəsi 60 kv.m olan vaqonunun yanar konstruksiyaları 10 kv.m sahədə yanıb.
Vaqonun qalan hissəsi yanğından mühafizə olunub. Yanğın saat 03:05-də yanğınsöndürənlər tərəfindən söndürülüb.