Zəhərli qida ailə faciəsinə səbəb oldu

Ata ölüb, qızı və arvadının vəziyyəti ağırdır

Bu gün Neftçala rayonunda bir ailə qidadan zəhərlənib. Rayon Polis Şöbəsindən Lent.az-a verilən məlumata görə, Neftçala rayon sakini, 1963-cü il təvəllüdlü Quliyev Alim Əlabbas oğlu qidadan zəhərlənərək ölüb. Onun həyat yoldaşı 1969-cu il təvəllüdlü Cəfərova Zinyət İsgəndər qızı, və qızı 1998-ci il təvəllüdlü Quliyeva Nigar isə ağır vəziyyətdə xəstəxanaya yerləşdirilib. Onların vəziyyəti ağır olduğundan Bakıya Kliniki Tibbi Mərkəzə yola salınıblar.
İlkin məlumata görə, ailə üzvləri qidadan zəhərlənib.
Hadisə ilə əlaqədar araşdırmalar başlanılıb.