Gülər Əhmədovanın sabiq köməkçisi Respublika Prokurorluğunda dindirildi

"Dindirilmə məlum videogörüntülərlə bağlı oldu".
Gülər Əhmədovanın keçmiş köməkçisi Əhməd Şahidov Respublika Prokurorluğunda dindirilib. Bu barədə məlumatı AzNews.az-a Ə.Şahidovun özü deyib.
Ə.Şahidov bildirib ki, dindirilmə məlum video qalmaqalı ilə bağlı olub: "Həcc ziyarətindən qayıtdıqdan sonra məni prokurorluğa dəvət edərək dindirdilər. Dindirilmə məlum videogörüntülərlə bağlı oldu".
O, keçmiş millət vəkili ilə münasibətlərinin davam etdiyini deyib: "Artıq Gülər Əhmədovanın köməkçisi deyiləm. Ancaq münasibətlərimiz davam edir, zəngləşirik, səhhəti ilə maraqlanıram".
Ə.Şahidov "Mərkəz" qəzeti ilə əməkdaşlığının da tamamilə kəsilmədiyini vurğulayıb: "Redaksiyada əmək haqlarının verilməsində müəyyən gecikmələr ola bilər. Bildiyimə görə bundan başqa heç bir problem yoxdur. Amma çoxdandır ki, qəzetə köşə yazıları yazmıram".