İnterpolun axtardığı azərbaycanlı kriminal avtoritet tutuldu - FOTO

Beynəlxalq axtarışa verilmiş azərbaycanlı həbs olunub. Lent.az-ın məlumatına görə, Gəncə şəhər Baş Polis İdarəsi, Kəpəz RPİ əməkdaşlarının həyata keçirdikləri əməliyyat-axtarış tədbirləri nəticəsində 1979-cu il təvəllüdlü Ruslan Ağalarov həbs edilib.
Məlumata görə, Ruslan Ağalarov Ukraynanın Daxili İşlər Nazirliyi tərəfindən İnterpola axtarışa verilib. O, Ukrayna Cinayət Məcəlləsinin 115-ci maddəsi (qəsdən adam öldürmə) ilə axtarışda olub.
Qeyd edək ki, Ruslan Ağalarovun böyük qardaşı, Rasim Ağalarov da beynəlxalq axtarışdadır. Onların kriminal aləmlə yaxın əlaqədə olduğu da bildirilir.