Bakıda yaşlı anasını çimizdirən qız onu ölümün əlindən ala bilmədi

Bakının Nəsimi rayonu ərazisində ailə faciəsi baş verib

Rayon Prokurorluğundan Milli.Az-a verilən məlumata görə, ana və qızı hamamda dəm qazından zəhərləniblər.Hadisə 3-cü mikrorayon, Alı Mustafayev küçəsi, 43 saylı evdə baş verib. Axşam saatlarında 42 yaşlı Validə Şıxıyeva və onun 72 yaşlı anası Cahan Şıxıyeva hamamda huşsuz vəziyyətdə tapılıblar.Hadisə yerinə təcili yardım gəlsə də, Cahan Şıxıyevanın həyatını xilas etmək mümkün olmayıb, onun qızı isə zəhərlənmə diaqnozu ilə xəstəxanaya yerləşdirilib.Məlum olub ki, Validə Şıxıyeva anasını hamamda çimizdirərkən boğulublar.Faktla bağlı araşdırma aparılır.