Bakıda aptekə oğurluğa gələn şəxs yaxalandı

Bakıda gecə saatlarında aptekə oğurluğa gələn şəxs iş başında yaxalanıb. Bu barədə Daxili İşlər Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, hadisə noyabrın 7-də saat 00.34 radələrində Binəqədi rayon 8-ci mikrorayondakı Bəhlulzadə küçəsində yerləşən obyektdə baş verib. Vətəndaş Şamo Nuriyevə məxsus "Riyad Farm" MMC-nin aptekindən Binəqədi rayon Mühafizə İdarəsinə daxil olmuş "Həyəcan" siqnalı yoxlanılarkən aptekin arxa tərəfinin dam örtüyünə müdaxilə olunduğu aşkar edilib. Binəqədi RMİ-nin əməkdaşları mülkiyyət sahibi ilə birgə aptekə baxış keçirərkən stolun altında gizlənmiş Ağcabədi rayon sakini, əvvəllər məhkum olunmuş Anar Həsənovu yaxalayaraq müvafiq araşdırmalar aparılması üçün Binəqədi RPİ-yə təhvil veriblər.