"Azəriqaz"ın məsul əməkdaşının evi qarə edildi

Külli miqdara pul və qızıl-zinət əşyaları oğurlanıb. Bakının Suraxanı rayonu ərazisində "Azərqaz" QSC-nin məsul əməkdaşının evi qarət olunub. Rayon Polis İdarəsinin 31-ci polis bölməsindən Milli.Az-a verilən məlumata görə, naməlum şəxslər Bülbülə qəsəbəsi, İlqar Məmmdov küçəsi, ev 97-də yaşayan Hacı Şahbazovun evinə soxularaq oğurluq ediblər. Evdən 6 min manat və 30 min manat dəyərində qızıl-zinət əşyaları aparılıb.
Hadisə evin sakinlərinin dünən saat 12:00-dan 20:00-dək müddətə evdə olmadığı vaxt törədilib. Ev sahibləri axşam evə qayıdarkən evin alt-üst edilməsinin şahidi olublar. 
Hadisə ilə bağlı Suraxanı Rayon Polis İdarəsinin 31-ci polis bölməsi əməkdşaları araşdırmaya başlayıblar. Oğurluq törədən şəxslərin tutulması istiqamətində əməlliyat-axtarış tədbirləri aparılır.

Zərərçəkimiş Hacı Şahbazov Suraxanı Rayon Qaz İstismarı Sahəsinin rəisidir. O, əvvəllər isə Nərimanov Rayon Qaz İstismarı İdarəsinin rəisi işləyirb.