Bakıda 2 yaşlı uşaq ailəsini yasa batırdı

O, dərmanı konfet bilərək yeyib. Bakının Suraxanı rayonunda azyaşlı uşaq ailəsini yasa batırdı. Daxili İşlər Nazirliyinin mətbuat xidmətindən Milli.Az-a verilən məlumata görə, Suraxanı rayon sakini 2 yaşlı Fəridə Həsənova evindən dərmandan zəhərlənmə ilə xəstəxanaya gətirilsə də, onun həyatını xilas etmək mümkün olmayıb. 
Suraxanı Rayon Prokurorluğunun işi araşdıran müstəntiqi Məhərrəm Əzizbəyov Milli.Az-a bildirdi ki, uşaq valideynlərinin gözündən yayınaraq dərmanı konfet bilərək yeyib. Valideynlər təcili yardım çağırıb, onu xəstəxanaya çatdırsalar da, gec olub. Hazırda ölüm faktı prokurorluq tərəfindən araşdırılır.