Bakıda yenə uşaq oğurlandı

Bakıda 14 yaşlı uşağı oğurlayan şəxs 20 min manat tələb edib. "Olaylar" xəbər verir ki, bu barədə Daxili İşlər Nazirliyinin (DİN) mətbuat xidmətindən məlumat verilib.Nazirlikdən bildirilib ki, mayın 30-da naməlum şəxs Binəqədi rayonunun M.Ə.Rəsulzadə qəsəbəsində kirayədə yaşayan Kürdəmir rayon sakini - 14 yaşlı Cəfər Qasımovu oğurlamış, qaytarılması müqabilində anası Afətdən 20.000 manat pul istəmiş və polisə məlumat verməməsini tələb edib. Həyata keçirilmiş əməliyyat-axtarış tədbirləri ilə C.Qasımovun "VAZ-21154" markalı avtomobildə qaçırılması müəyyən edilib və qeyd edilən nəqliyyat vasitəsi Bakı Şəhər Baş Polis İdarəsinin Cinayət Axtarışı İdarəsi, Dövlət Yol Polisi İdarəsi və Binəqədi RPİ-nin əməkdaşları tərəfindən Azadlıq prospektində saxlanılıb. Sürücü - Bakı şəhər sakini 23 yaşlı Sənan Qasımzadə törətdiyi əməli etiraf edib.Uşaq tapılaraq ailə üzvlərinə təhvil verilib.