Azərbaycana keçmək istəyən fransalı məşhur cinayətkar saxlanılıb

Dövlət Sərhəd Xidməti tərəfindən aprelin 5-də Qazax rayonunun Şıxlı kəndi ərazisində yerləşən sərhəd zastavasının xidməti sahəsində Gürcüstandan Azərbaycana  keçərkən Fransa vətəndaşı, 27.09.1979-cu il təvəllüdlü Malavialle Olivye Alain saxlanılıb.Milli.Az bildirir ki, Dövlət Sərhəd Xidmətinin Mətbuat Mərkəzindən APA-ya deyilib ki, Fransanın Azərbaycandakı səfirliyinin məlumatına əsasən, qeyd olunan şəxs Fransa, Polşa, Serbiya, Slovakiya, Rumıniya kimi ölkələrdə törətdiyi qanunsuz hərəkətlər, zorakılıq halları, oğurluq, ictimai əmlaka ziyan vurma, ictimai asayişin pozulması, narkotik vasitələrin istifadəsi ilə əlaqədar cinayətlərə görə dəfələrlə məsuliyyətə cəlb edilib.Saxlanılan şəxs barəsində müvafiq tədbir görülməsi üçün Dövlət Miqrasiya Xidmətinə təhvil verilib.