Bakıda iki kriminal avtoritet silahla yaxalandı

Bakıda iki silahlı şəxs yaxalanıb. Bu barədə "OLAYLAR"a Daxili İşlər Nazirliyindən məlumat verilib. Baş Mütəşəkkil Cinayətkarlıqla Mübarizə İdarəsi əməkdaşlarının həyata keçirdikləri əməliyyat tədbirləri nəticəsində Bakı şəhər sakinləri, əvvəllər məhkum olunmuş Məmməd Hüseynovdan 1 ədəd "Makarov" markalı tapança, 1 ədəd patron darağı, 5 ədəd patron və  Fikrət Rəhimovdan 1 ədəd  "Makarov" markalı tapança, 1 ədəd patron darağı və 7 ədəd patron götürülüb.

"OLAYLAR"ın məlumatına görə, saxlanılan şəxslər kriminal avtoritetlərdir.