Bakıda aptekə basqın edilib

Bakının Sabunçu rayonu ərazisində aptekə basqın olub.Rayon Polis İdarəsindən Milli.Az-a verilən məlumata görə, naməlum şəxs Bakı şəhər sakini Sevil Zakirovaya məxsus əczaxanaya soxularaq orada satıcı işləyən Qələm Şıxəliyevaya qarşı zor tətbiq edib. Naməlum şəxs satıcıdan 40 manat pul alaraq qaçıb.
Sabunçu Rayon Polis İdarəsinin 12-ci polis bölməsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş şəhər sakini Aydın Tağızadə tutulub.