İkiqat Azərbaycan çempionu öz maşınında güllələndi

Dünən gecə Gəncədə güllələnən Elmir Cəlilov kikboks üzrə ikiqat Azərbaycan çempionu imiş.

Bu barədə deputat, Azərbaycan Kikboksing Federasiyasının prezidenti Adil Əliyev Facebook-da yazıb. O, gənc idmançının ölümünün səbəbini açıqlamayıb.

Azərbaycan Kikboksinq Federasiyası mərhum idmançının ailəsinə başsağlığı verib.

Musavat.com xatırladır ki, hadisə Gəncənin Əttarlar küçəsində, "Kəpəz" mehmanxanasının qarşısında baş verib. Elmir Cəlilov öz avtomobilində güllələnib.