Sabunçuda 4 otaqlı ev yanıb

Bakı şəhəri, Sabunçu rayonunda vətəndaşa məxsus 4 otaqlı evdə yanğın baş verib. Fövqəladə Hallar Nazirliyindən verilən məlumata görə, nəticədə ümumi sahəsi 120 kv.m olan kürsülü birmərtəbəli 4 otaqlı evin 1 otağının yanar konstruksiyaları və ev əşyaları 12 kv.m sahədə yanıb. Yanğın kəşfiyyatı zamanı bir nəfərin meyiti aşkar olunub. Yanğından evin qalan hissəsi mühafizə olunub. Yanğın yanğınsöndürənlər tərəfindən söndürülüb.