Azərbaycanda bir ailəni öldürməyə cəhd edən şəxs yaxalanıb

Azərbaycanda bir ailəyə  silahlı basqın edən şəxs həbs edilib. Bu barədə "OLAYLAR"a Daxili İşlər Nazirliyindən məlumat veriblər. Hadisə oktyabrın 16-da Daşkəsən rayonunun Qaratağlar kəndində baş verib. Kənd sakini Razəddin Mustafayev sərxoş halda xuliqanlıq zəminində həmkəndlisi Zəki Hüseynovu və onun ailə üzvlərini təhqir edib, özündə olan ov tüfəngindən 4 dəfə havaya atəş açaraq onları öldürəcəyi ilə hədələyib. R.Mustafayev Daşkəsən RPŞ əməkdaşları tərəfindən tutulub, ondan 1 ədəd ov tüfəngi götürülüb. Araşdırmalar zamanı R.Mustafayevin həmin gün Qaratağlar kəndində yaşayan bacısı Raziyyənin evindən 6500 manat pul oğurlaması da müəyyən edilib.