Bilgəhdəki faciə ilə əlaqədar cinayət işi açılıb

Bakı Şəhər Prokurorluğu paytaxtda fəhlənin faciəli ölümü ilə bağlı məlumat yayıb. Prokurorluqdan verilən məlumata görə, yanvarın 23-də paytaxtın Bilgəh qəsəbəsində yerləşən "Qağayı" istirahət bazasının ərazisində demontaj işlərinin həyata keçirilməsi zamanı dəmir borunun həmin vaxt orada olan, Füzuli rayon sakini, 1970-ci il təvəllüdlü Səfəralı Səfərovun üzərinə düşməsi nəticəsində aldığı xəsarətlərdən hadisə yerində vəfat etməsi faktına görə Sabunçu rayon Prokurorluğunda Cinayət Məcəlləsinin 162.2-ci (əmək mühafizəsi qaydalarını pozma, ehtiyatsızlıqdan insan ölümünə səbəb olduqda) maddəsi ilə cinayət işi başlanıb, müvafiq ekspertizalar təyin edilib. Hazırda iş üzrə istintaq tədbirləri davam etdirilir.