2 “KaMAZ” toqquşdu, 1 nəfər öldü

Qaradağ rayonunda "KaMAZ" markalı 2 yük avtomobili toqquşub. Bu barədə  Fövqəladə Hallar Nazirliyindən "Olaylar"a verilən məlumata görə, dərhal nazirliyin  müvafiq xilasetmə qüvvələri hadisə yerinə cəlb olunublar.  Hadisə yerində əməliyyat şəraiti qiymətləndirilərkən məlum olub  ki, hər iki yük avtomobili deformasiyaya uğrayıb, 1 nəfər hadisə yerində ölüb. Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə cəsədi avtomobildən çıxararaq  aidiyyəti üzrə təhvil veriblər.