Narkotik vasitələrin qanunsuz dövriyyəsində şübhəli bilinən şəxs saxlanılıb

Bakıda narkotik vasitələrin qanunsuz dövriyyəsində şübhəli bilinən şəxs saxlanılıb. Bakı şəhər Baş Polis İdarəsindən APA-ya verilən məlumata görə, Suraxanı rayon Polis İdarəsi 31-ci Polis Bölməsi əməkdaşlarının keçirdiyi əməliyyat-axtarış tədbirləri nəticəsində Bakı şəhər sakinləri, əvvəllər məhkum olunanlar - 1981-ci il təvəllüdlü Həmid Əliyevdən 1,21 qram, ona narkotik vasitəni satan 1979-cu il təvəllüdlü Yaşar Əliyevin yaşadığı Yeni Suraxanı qəsəbəsi Çaparidze küçəsindəki evdən isə 36,543 qram heroin aşkar olunaraq götürülüb. Faktla bağlı araşdırma aparılır.