Tanınmış rəssamın oğlu məhkəmədə ifadə verib

Bu gün Bakı Ağır Cinayətlər Məhkəməsində narkotik vasitələrin dövriyyəsində təqsirləndirilən Nazim Ağabəyovun cinayət işi üzrə məhkəmə prosesi davam etdirilib. APA-nın məlumatına görə, prosesdə təqsirləndirilən N. Ağabəyov ifadə verib. O, ittiham üzrə özünü təqsirli bilmədiyini deyib. Proses yanvarın 21-də davam etdiriləcək.

Qeyd edək ki, Meydan TV-nin direktoru Emin Millinin qaynı olan N. Ağabəyov Bakı şəhər Baş Polis İdarəsinin əməkdaşları tərəfindən saxlanıb. Onu da qeyd edək ki, N. Ağabəyovun atası Mais Ağabəyov Azərbaycanın tanınmış rəssamlarından biridir.