Bakıda ər-arvad divanda yandılar
Bu gecə Bakıda ər və arvadının ölümünə səbəb olan dəhşətli yanğının səbəbi məlum olub. Lent.az-ın məlumatına görə, gecə saatlarında Yeni Günəşli qəsəbəsi "V" yaşayış sahəsindəki binada yaşayan 1951-ci il təvəllüdlü Abbasov Mikayıl Həsən oğluna məxsus evdə baş verən yanğına siqaret səbəb olub. Belə ki, M.Abbasov yataq xəstəsi olduğundan əlindən düşən siqaret kötüyünü xalçanın üstündən götürməyə nail ola bilməyib. Nəticədə evin döşəməsində yanğın başlayıb və 11 kvadrat metr sahədə yanar konstruksiyalar, yataq dəsti və digər əşyalar yanıb. M.Abbasovun 65 yaşlı həyat yoldaşı Mikayılova Zoya Vladimirovna digər otaqda olduğundan o da olaydan gec xəbər tutub və tüstü bürümüş otaqda həyat yoldaşını xilas etmək istəyərkən boğularaq ölüb. Faktla bağlı başlanmış cinayət işinin istintaqı davam etdirilir.
***
Bakı şəhəri, Suraxanı rayonunda çoxmənzilli yaşayış binasında yanğın olub. Milli.Az FHN-ə istinadən bildirir ki, ümumi sahəsi 60 kv.m olan 3-otaqlı mənzilin 1 otağında divan 2 kv.m sahədə və yerə döşənmiş xalça yanıb. Yanğının kəşfiyyatı zamanı ev sahibi, 1951-ci il təvəllüdlü Abbasov Mikayıl və onun həyat yoldaşı, 1951-ci il təvəllüdlü Abbasova Zoyanın yanmış meyitləri aşkar olunub. Mənzilin qalan hissəsi yanğından mühafizə olunub. Hadisə ilə əlaqədar müvafiq qurumlar tərəfindən təhqiqat aparılır. Yanğın saat 03:12-də söndürülüb.