Sumqayıtda ticarət mərkəzində yanğın

Sumqayıt şəhərində yanğın hadisəsi baş verib. xeberle.com  xəbər verir ki, axşam saatlarında şəhərin Sülh küçəsində ticarət mərkəzlərinin birinin damında yanğın hadisəsi qeydə alınıb. Dərhal hadisə yerinə yanğınsöndürənlər cəlb olunub.İlkin ehtimala görə yanğın mərkəzdə yerləşən "Tehran" kafesinin tüstü bacasında baş verən nasazlıq üzündən başlayıb. Xoşbəxtlikdən xəsarət alan olmayıb.Yanğınsöndürənlərin müdaxiləsi nəticəsində yanğın dərhal söndürülüb və digər ərazilərə keçməsinin qarşısı alınıb. Ticarət mərkəzinin dam örtüyü 6 kvadratmetr ərazidə yanıb.