DSMF-nin Şamaxı şöbəsi qarət edildi

Dövlət Sosial Müdafiə Fondunun Şamaxı rayon şöbəsindən seyf oğurlanıb. Bu barədə Daxili İşlər Nazirliyi məlumat yayıb. "OLAYLAR"ın nazirliyin saytına istinadən yaydığı məlumata görə, hadisə oktyabrın 9-da baş verib. Şamaxı RPŞ əməkdaşlarının həyata keçirdikləri əməliyyat-axtarış tədbirləri nəticəsində oktyabrın 9-da Dövlət Sosial Müdafiə Fondunun Şamaxı rayon şöbəsinin inzibati binasından içərisində sənədlər olan seyfi oğurlamış Bakı şəhər sakini Fərzəli Ələsov və Abşeron rayon sakini Əlşah Salmanov tutulub.