Sərnişin avtobusu qəta törətdi

Tovuz rayonu, Düz Cırdaxan kəndində yol-nəqliyyat hadisəsi baş verib. Fövqəladə Hallar Nazirliyindən "OLAYLAR"a verilən məlumata görə,  vətəndaşa  məxsus "MERCEDES" markalı sərnişin avtobusu ilə 1969-cu il təvəllüdlü Bayramov İlkin Sabir oğluna məxsus "NİSSAN SANNY" markalı minik avtomobili toqquşub. Nəticədə minik avtomobilin sahibi İ.Bayramov aldığı ağır bədən xəsarətlərindən hadisə yerində vəfat edib.  Cəsəd yanğınsöndürən-xilasedicilər tərəfindən müxtəlif alət və avadanlıqlardan istifadə edilməklə avtomobildən çıxarılaraq aidiyyəti üzrə təhvil verilib. Hadisə ilə əlaqdar müvafiq qurumlar tərəfindən təhqiqat aparılır.