Şəki sakinindən silah və dini ədəbiyyat götürülüb

Şəki ŞRPŞ əməkdaşları tərəfindən Kiçik Dəhnə kənd sakini Əzizbala Nəzirovun yaşadığı evə baxış keçirilib. DİN-dən verilən məlumata görə, baxış zamanı müvafiq sənədləri olmayan, nömrəsi silinmiş, lüləsi kəsilmiş ov tüfəngi, 4 ədəd patron, 36 ədəd yayılması və təbliği qadağan olunmuş dini ədəbiyyat və 26 ədəd CD disklər aşkar edilərək götürülüb. Ə.Nəzirov tutulub. Faktla əlaqədar cinayət işi başlanıb.