Keçmiş məhbus xuliqanlığa görə saxlandı

Paytaxtda xuliqanlıq hərəkəti törətmiş şəxs saxlanıb. DİN-dən verilən məlumata görə, Bakı Şəhər Baş Polis İdarəsinin Təhlükəsiz Şəhər Xidməti və Nərimanov RPİ 18-ci PB əməkdaşlarının həyata keçirdikləri əməliyyat-axtarış tədbirləri nəticəsində noyabrın 24-də Vüsal Babayevə xuliqanlıq zəminində ayaq nahiyəsindən güllə yarası, kürək nahiyəsindən isə bıçaq xəsarəti yetirmiş Bakı şəhər sakini Hökməli Əhmədov tutulub. İlkin araşdırma zamanı onun əvvəllər məhkum olunduğu müəyyən edilib.