Mənzildən oğurluq edənin digər əməlləri də aşkarlandı

Yasamal RPİ 26-cı PB əməkdaşlarının həyata keçirdikləri əməliyyat-axtarış tədbirləri nəticəsində noyabrın 14-də Nəsibə Məlikovaya, Edilya Zöhrabovaya və Elşən Seyfullayevə məxsus mənzillərdən pul və mobil telefon oğurlamış Bakı şəhər sakini, əvvəllər məhkum olunmuş Əfrasiyab Əlimov tutulub. DİN-dən verilən məlumata görə, ondan 0,340 qram heroin götürülüb Ətrafında aparılmış əməliyyat tədbirləri ilə onun noyabrın 24-nə keçən gecə Bakı şəhər sakini Rasim Qayınbəyova məxsus "KİA" markalı avtomobildən bankomat kartları və Südabə Sədiyevanın mənzilindən 50 manat, sənəd, qızıl və gümüş əşyalar oğurlaması da müəyyən edilib.