DİN elektrovozla vurulan şəxs barədə açıqlama yayıb

Yevlaxda elektrovozla vurulmuş şəxsin kimliyi açıqlanıb. Daxili İşlər Nazirliyindən Trend-ə verilən məlumata görə, oktyabrın 16-da Yevlax dəmir yolu stansiyasının ərazisində, qorunmayan keçiddə elektrovozla bir nəfər kişi vurulub. Nəqliyyatda Baş Polis İdarəsi əməkdaşlarının apardıqları araşdırmalar nəticəsində, həmin şəxsin Şəmkir rayon sakini Rəhman Bayramov olması müəyyən edilib.