Keçmiş məhkumdan narkotik vasitə götürülüb

Yasamal RPİ 27-ci PB əməkdaşları tərəfindən Ağcabədi rayon sakini, Bəxtiyar Quliyev və qardaşı Rahib şübhəli şəxs qismində saxlanılıblar. DİN-dən verilən məlumata görə, Rahib Quliyevin üzərinə baxış zamanı 450 qram marixuana aşkar edilərək götürülüb. Ətraflarında aparılmış tədbirlərlə B.Quliyevin noyabrın 1-də Ağcabədi rayonunda Ülfət Namazova məxsus mağazadan quldurluq yolu ilə 100 manat aparması da müəyyən edilib. Araşdırma zamanı onların hər ikisinin əvvəllər məhkum olduğu müəyyən edilib.