Xətaidə 6 otaqlı evdə yanğın baş verib

Bakı şəhəri, Xətai rayonunda vətəndaşa məxsus hazırda təmir olunan 6 0taqlı evdə yanğın baş verib. Fövqəladə Hallar Nazirliyindən verilən məlumata görə, nəticədə ümumi sahəsi 200 kv.m olan ikimərtəbəli 6 otaqlı evin 2-ci mərtəbəsinin mətbəxində 2 ədəd qapı və rəngsaz boyaları 4 kv.m sahədə yanıb. Yanğın zamanı evdə usta işləyən bir nəfər müxtəlif dərəcəli yanıq xəsarətləri alaraq təcili yardım xidmətinə təhvil verilib. Evin qalan hissəsi yanğından mühafizə olunub. Yanğın yanğınsöndürənlər tərəfindən söndürülüb.