Məkkədə zəvvarları daşıyan avtobus aşdı, ölən var

18 nəfər müxtəlif xəsarətlərlə xəstəxanaya çatdırılıb

Müqəddəs Məkkə şəhərində ölümlə nəticələnən yol-nəqliyyat hadisəsi baş verib. ANS PRESS "Diyanethaber" saytına istinadən xəbər verir ki, zəvvarları Kəbəyə aparan Məkkə bələdiyyəsinə aid sərnişin avtobusu şəhərdəki "Mahvaz" tunelində aşıb. Qəza nəticəsində xəsarət alaraq xəstəxanaya çatdırılan bir Pakistan vətəndaşı ölüb. 5 nəfəri türkiyəli olmaqla 18 zəvvar isə müxtəlif xəsarətlərlə xəstəxanaya çatdırılıb.