Mağazanı qarət edənlər tutulublar

Zaqatala rayonunda pğurğuq hadisəsi qeydə alınıb. DİN-dən verilən məlumata görə, Zaqatala RPŞ əməkdaşlarının həyata keçirdikləri əməliyyat-axtarış tədbirləri nəticəsində oktyabrın 2-də Nəsibə Məmmədovaya məxsus mağazadan 13000 rubl, tütün məmulatı, qızıl və gümüş əşyalar, habelə nəzarət kamerasının yaddaş qurğusunu oğurlamış şəhər sakini Elçin Rəşidov tutulub.Həmçinin Salyan RPŞ əməkdaşlarının həyata keçirdikləri əməliyyat-axtarış tədbirləri nəticəsində oktyabrın 5-də Xəyal Süleymanova məxsus mağazadan ərzaq məhsulları və geyim əşyaları oğurlamış şəhər sakinləri Əhəd Bağırov və Ramiq Mənəfbəyli tutulublar. Hər iki faktla bağlı araşdırma aparılır.