Maşında sıxılmış sürücü xilas edilib

Fövqəladə Hallar Nazirliyinin "112" qaynar telefon xəttinə daxil olmuş məlumata əsasən, Abşeron rayonunda Opel və Ford markalı 2 minik avtomobili toqquşub. Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunub. Hadisə yerində əməliyyat şəraiti qiymətləndirilərkən məlum olub ki, Opel markalı minik avtomobilinin sürücüsünün ayaqları sıxılmış vəziyyətdə qalıb. Xilasedicilər sürücünü avtomobildən çıxarmış və aidiyyəti üzrə təvil veriblər.