"Azenco" tikinti şirkətini məhkəməyə verib

"Azenco" Açıq Səhmdar Cəmiyyəti (ASC) "MAXX Tikinti-Servis" Məhdud Məsuliyyətli Cəmiyyətini (MMC) məhkəməyə verib. Report-un məlumatına görə, "Azenco" alqı-satqı müqaviləsi üzrə borc tələbi irəli sürüb. İşə 2 saylı Bakı İnzibati-İqtisadi Məhkəməsində baxılır.

Qeyd edək ki, "Azenco" şirkəti dövlət müəssisəsi olan "Azerenerji" ASC-nin tərkibində "Azerenerjitikinti" MMC adı altında fəaliyyət göstərib. Bir müddət sonra "Azenco" Açıq Səhmdar Cəmiyyətinə çevrilib. Şirkətin xüsusi kapitalının həcmi təxminən 500 milyon ABŞ dollarına bərabərdir.