Mağazadan qızıl sırğa oğurlayan tutulub

Sentyabrın 7-də Pirallahı qəsəbəsində yerləşən mağazada naməlum şəxs orada işləyən qəsəbə sakini Nərminə Cəlilovaya məxsus satış şöbəsindən qızıl sırğanı açıq talama yolu ilə aparıb. DİN-dən verilən məlumata görə, Pirallahı RPŞ əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş Ağdam rayon sakini Zahid Qarayev tutulub. İlkin araşdırma zamanı onun əvvəllər məhkum olduğu müəyyən edilib.