Bakıda zəncirvarı qəza

5 minik avtomobili toqquşub, böyük tıxac yaranıb

Bu gün saat 09:00 radələrində Bakıda zəncirvarı qəza baş verib. Nizami Rayon Polis İdarəsindən Lent.az-a verilən məlumata görə, Babək prospektində, şəhər istiqamətində "Azpetrol" şirkətinə məxsus yanacaqdoldurma stansiyası yaxınlığında 5 minik avtomobili toqquşub. Xəsarət alanlar var. Nizami Rayon Polis İdarəsindən qəza nəticəsində həyatını itirənlərin olmadığı bildirilib. Zəncirvarı qəza yolda hərəkətin dayanmasına və Babək prospektinə böyük tıxaca səbəb olub.